Adhurapan

Suni suni si hai
kalai aaj meri
churi ki wo khanak
na jane kahan kho gai.
Aaina mujhe rulata hai ab
kuchh vi nahi vata hai ab
mera hr wo shringar na
jane kahan kho gaya.
Ful dali se tuta is kadar
bago ki wo khushbu
na jane kahan kho gai.
Sawan ki har bunde
lagte hain  angar ab
baris ka wo rimjhim
na jane kahan kho gaya.
Payal ki jhunjhun
lagti hai ab besuri
sangeet ka wo sargam
na jane kahan kho gaya.
Sapno ko sanjoye
jis aash me thi baithi
armano ka wo gharonda
na jane kahan kho gaya.
Kavi koyal ke sang
gaye the maine
wo sur wo saj
na jane kahan kho gaya.
Jalane lagi hai ab
jare ka vi mausam
push ki wo thandak
na jane kahan kho gaya.
Kavi sardi ki rato me 
simatkar unse lipatna
ab sardi me vi wo mausam
na jane kahan kho gaya.
Suni si pari hai
sej aaj meri
chadar par parti wo silwaten
na jane kahan kho gaya.
Hr rat hui meri
ab to viran si
aankho ki wo ninde
na jane kahan kho gai
Kaise kategi ab
akele ye jindgi
majhdhar me mujhe chhor wo
na jane kahan kho gaya
Akeli akeli si
lagti hu mai ab
jine ki wo chahat
na jane kahan kho gai.