Socha tha......

           Socha tha sath se tumhare
         tanhaiyan kam hogi meri
      par kya pata tha ki
    tanhai me dub hi jayegi
  ye jindgi meri.
Socha tha sath se tumhare
  koi sahare banegi meri
    par kya pata tha ki
       asahay si ho jayegi
         ye jindgi meri
            Sochaa tha sath se tumhare
          kadmen tej hongi meri
       par kya pata tha ki
    shithil si ho jayegi
  ye jindgi meri.
Socha tha sath se tumhare
  jindgi sanwar jayegi meri
    par kya pata tha ki
       bilkul hi ulajh kar rah jayegi
          ye jindgi meri.
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

Meri maa

Asadhya rog se pirit
shayya se chipti
asahaniya dard se krahti
patharayi budhi aankho se
apne bete ke aane ki
pratipal wat johti rahi.
Ekmatra andhe ki
lathi ke sahare
apne jijivisha ki chahat ko
pratikshan jivit karti rahi.
Apne lal ke pradurbhaw ka
sandesh sun
uski budhi haddiyon me
ek navin utsah ka
sanchar hote hi
lagbhag aadhi rog jati rahi.
Fir to harshit hridaya liye
chamkili rugnn aankhe
uss avirbhaw ke kshan ko
pratipal ginti rahi.
Apne bete ko ek din
apne kantihin kaya ko
ghasitta aata dekh
maa ka komal hridaya
raktranjit hti rahi.
Tab agle hi kshan wo
apne samast pira ko pi
sampurn rogon ko pare jhatak
aankhon me mamatwa liye
ek navin utsah ke sath
uss ladle ki sewa me
din rat jutti rahi.
------------------------------------------------------

Dedicated to my mother on the "MOTHER'S DAY"

=*=*=*=*=*=*=*=*=*=*=*=*=*=*=*=*=*=*=*=*=*

Aarjoo

Teri lahrati bikharati
  resham si kali kali
    in julfon me khone ki
      aarju hai meri.
Teri chamakti madmati
  jhil si nili nili
    in aankho me dubne ki
      ichchha hai meri.
Teri chadhati utarti
  fulon si mahki mahki
    in sanso me basne ki
      abhilasha hai meri.
Teri bahakti machalti
  alhar si bahki bahki
    in dharkano me samane ki 
      tamanna hai meri.

*-*-*-*-*-*-*-*-*-*-*-*-*-*-*-*-*-*-*-*-

Ateet

             Hai ne socha nahin tha
               kya hho jayega
                 mere tha ho jane se.
                   Aaj ne socha nahe tha
                     kya ho jayega
                       mere atit ho jane se.
                        Maru ho jayega chaman
                      aur kaliyan shul
                   mali ne socha nahin tha
                 kya ho jayega
              mere kuch kar jane se.
           Fut parenge askon ki dhar
             rah jayegi ek kasak si
                milan ne socha nahin tha
                  kya ho jayega
                    mere juda ho jane se.
                     Chhor jayega wo rota bikhalta
                   apne pichhe sara jag
                jindgi ne socha nahin tha
             kya ho jayega
          mere maut ban jane se. 
  #-#-#-#-#-#-#-#-#-#-#-#-#-#-#-#-#-#-#-#-#-#-#

Gumsum sa.......

Sannate ke galiyare me
  gumsum gumsum hai khamosi bhi
   viran viran se chaurahe pe
     chup chup hai sargoshi bhi.
       Maun khara hai ek or nishabd
         tanha tanha hai mayusi bhi
           bejuwan khara hai ek or shabd
              suni suni hai udasi bhi.
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_

Adhure se.......

Sawalon se sawal jo nikle
sawal adhure rah gaye
sawalon ke jabab jo mile
jabab adhure rah gaye
man me panpi thi jo uljhane
man me hi uljhe rah gaye
kasak jo dabi thi dil me
dil me hi dabe rah gaye
wyatha jo nikli juban se
adhar me hi atke rah gaye
sapne jo chhalke the aankhon me
palkon me hi kaid ho rah gaye.

Ek kaidi

Najaron me hun sabki par
 ek najarbandi hun mai
   chahardiwari nahin yahan kothari ki
      fir bhi ek bandi hun mai.

        Ritiyon se jakri
      riwajon ke bich sisakti
   rudhibadi rashmon ko

 dhone ko vivash hun mai.

Chal nahin pati aaj bhi
   swechha se ek kadam
      warchaswa ke tale paddalit hoti
         pangu ban sadiyon se
           sahare ko badhy hun mai.
             Arman hoti rahi dafan
           saheli ban gai hai ghutan
         raktranjit smita liye
     swayan me hokar kaid

ek chirsthayi kaidi hun mai.
=-=-=-=-=-=-=-=-=-=-=-=-=-=-=-=-=-=-=-=-=-=-=

Sath kyun chhora.......

Sath hue the dono
sath chalne ko hi
sath kyun chale tum
sang sang char kadam hi
sath kyun chhor gaye mujhe
bich majhdhar me hi
kisse kahun mai apni baten
jo mai karti thi sirf tumse hi
apna bana ke aise
ho gaye kyun gum hi
khushiyan dikha ke aise
kho gaye tum kahin
ab to har waqt rulati hai
tumhari yaden hi
ab to sathi ban gai meri
nayano se bahte ye aansu hi
kaise kategi meri abki jindgi
kya kabhi tumne socha bhi
mai na rah paungi tum bin
aise adhuri hi.
**************************************************

Vidayi

Dwar se rukhsat hui thi wo

vidayi bhi thi meri chaukhat se

parijano ko chhora pichhe tha

ashruon me dubte utarte

usne bhi 

maine bhi.

Jamin chhor dono hi

dhoye ja rahe the

rah dekh rahi thinayi jindgiyan

uski bhi

meri bhi.

Fark tha to

sirf itna

rakt sa paridhan me 

simti thi wo

aur mai lipta tha 

shwet me.

Fark tha to sirf itna

uthi thi uski doli aur

uthi thi arthi meri

chhumui dulhan thi wo

aur tha mai

ek bejan laash.

                                          *******************************************

Aatmhatya

          Beti ne khudkushi ki
             koi harkat na hui
               kahin bhuchal na aaya
                  har wriksh adig tha kinare pe
                     sagar bhi shant hi raha
                        sthir wa achal
          Bahu ne aatmhatya ki
            lahren uthane lagi sagar ki
               jwar ban gai wo amawash ki
                 tufan bhi dastak dene lage
                    jaren ukharne lage peron ke
                      anttah dub gaya har astitwa
                         is ufante sagar me
                           rah gai wahan to sirf
                             ek viran si syah jindgi.
         -+-+-+-+-+-+-+-+-+-+-+-+-+-+-+-+-+-+-+-+-+-+-+-

Vivashta

Sard hai juban
achal nigahen
bebas sa khara khud ko
ektak dekhta raha.
         Khamosh hai jindgi
         chehra bhi malin
         shithil mastishk liye mai
         shunya ko niharta raha.
Sabut hun purntaya par
hun ek but sa
khud me uthte dard ko pita
swayan me hi bikharta raha.
         Armawihin ho gaya hun
         aur shaktihin bhi
         apne bikharte tukaron ko
         chunne ke prayas me
         aur bhi tutta raha.
Chhuta har ka sath
koi bhi nahi hai aaj pas
kshat vikshat urr liye khara
akela swayan hi tarapta raha.
*****************************

Nirasha

     

Swayan ki hi khoj me

kahin kho sa gaya hun mai
khud me hi khud ko
dhundte dhundte
thak sa gaya hun mai.
Jis rah ko chale
wahi chhut gaya
jis khwab ko bune
wahi tut gaya.
Wajud aaj sisak raha
astitwa aaj subak raha
mayus hua hun is kadar
nishpran sa ho gaya hun mai.
_-_-_-_-_-_-_-_-_-_-_-_-_-_-_-_-_-_-_

Mithi pyas

Ye dard hai aisa
  jo ab saha na jaye
   kuchh daba de aisa
    ki chain aa jaye.
Der na kar itni
  ki dharkane tham jaye
    dur na kar itni
      ki sansen ruk jaye.
Kuchh kar ab aisa
  ki aash na tute
    kuchh ho ab aisa
      ki sath na tute.
Aa ja ab to kuchh aisi
  koi khas daba de
    jo tan badan ki meri
      mithi pyas bujha de.

                               *************************