Meri maa

Asadhya rog se pirit
shayya se chipti
asahaniya dard se krahti
patharayi budhi aankho se
apne bete ke aane ki
pratipal wat johti rahi.
Ekmatra andhe ki
lathi ke sahare
apne jijivisha ki chahat ko
pratikshan jivit karti rahi.
Apne lal ke pradurbhaw ka
sandesh sun
uski budhi haddiyon me
ek navin utsah ka
sanchar hote hi
lagbhag aadhi rog jati rahi.
Fir to harshit hridaya liye
chamkili rugnn aankhe
uss avirbhaw ke kshan ko
pratipal ginti rahi.
Apne bete ko ek din
apne kantihin kaya ko
ghasitta aata dekh
maa ka komal hridaya
raktranjit hti rahi.
Tab agle hi kshan wo
apne samast pira ko pi
sampurn rogon ko pare jhatak
aankhon me mamatwa liye
ek navin utsah ke sath
uss ladle ki sewa me
din rat jutti rahi.
------------------------------------------------------

Dedicated to my mother on the "MOTHER'S DAY"

=*=*=*=*=*=*=*=*=*=*=*=*=*=*=*=*=*=*=*=*=*