Khamoshi

Khamoshi ye tumhari
bechain na kar de mujhe
pahle isse...
tor de is khamoshi ko
anyatha mai
dhundh lunga shabd
is khamoshi me hi
kyonki...
kah jate hai ankahi baten
ek khamosh but bhi.
De rahe hai ek sandesh
tumhari ye jhuki nigahen
kapkapate lav
aur lalima kapol ki.
Is ardhkhamosi me
chahiye mujhe
swikriti tumhare shabdon ki
pahle isse...
khamosh na kar de
mujhe hi
tumhari ye
awichalit khamoshi.
~~~~~~~~~~~~~~~~~~~~~~~~~~~~~~~~~~~

Pyari Duniya

Aasma ke aagosh me
tara jab simat jata hai
megha ke aagosh me
chanda jab lipat jata hai
to kitna sundar lagta hai
jag apna sa lagta hai.
      Sagar ke sine par
      lahren jab ithlati hai
      dharti ki god me
      nadian jab balkhati hai
      to kitna manohar lagta hai
      jag apna sa lagta hai.
Kanton ke rahon me
kaliyan jab palte hai
kaliyon ke pankhuri par
bhanware jab madrate hai
to kitna manoram lagta hai
jag apna sa lagta hai.
      Kshitij ke par kahin
      suraj jab dubta hai
      shama ki yad me
      deepak jab jalta hai
      to kitna anupam lagta hai
      jag apna sa lagta hai.
Kisi ko dekhte hi
dil jab dharak jata hai
usse yad karte hi
man jab machal jata hai
to kitna mohak lagta hai
jag apna sa lagta hai.
-------------------------------------------------
Thanks...

Preet

Tum kya mile mujhe
jindgi sanwar gai
suni suni rahon ki
rangat badal gai.
    Palko ke pichhe mai
    sapne sanjone lagi
    aahista aahista tere
    pyar me dubne lagi.
Aaina ke samne ab to
har pal mai sawarne lagi
madmast hui itni ki
aasma me urne lagi.
    Ek jhalal pate hi teri
    aankhon me preet umarne lagi
    tere pas aate hi mere
    dil me halchal si machne lagi.
Sote jagte ab to mai
tumhe hi yad karne lagi
jhuth kya bolun ab mai tujhse
tujhe hi pyar karne lagi.
--*--*--*--*--*--*--*--*--*--*--*--*--

Chahat

Yun to khwabon me
kitne hi aati hai magar
yun to khyalon me
kitne hi chhati hai magar
jab se dekha hai tujhe
tu hi tu aati hai najar.
      Jane kaisa kiya tune jadu
      jane kaisa hua mujhpe asar
      khoya khoya sa rahta hun
      ho gaya mai  bilkul bekhavar.
Anjane hi chal para mai
ek anjana dagar
bina soche hi nikal para mai
dhundhne chahat ka shahar.
      Dubta hi gaya mai
      teri chahat me is kadar
      yadon me rahne lagi mere
      tum pahar do pahar.
Sanwarne laga mera
sunahre prit ka nagar
bana liya maine tujhe
ab to apna hamsafar.

~~^~~^~~^~~^~~^~~^~~^~~^~~^~~^~~

Wo Lamhe

Chhalke the jo kavi
mere khatir
tumhari aankhon me
wo rupahle sapne
gum sa ho gaya hai
wo aaj kahin.
  Ubhare the jo kavi
  mere khatir
  tumhare hotho par
  wo sunahre nagme
  kho sa gaya hai
  wo aaj kahin.
      Mahke the jo kavi
      mere khatir
      tumhari sanson me
      wo pighalte lamhe
      gayab sa ho gaya hai
      wo aaj kahin.
        Dharke the jo kavi
        mere khatir
        tumhare hriday me
        wo bahakti aashayen
        wilin sa ho gaya hai
        wo aaj kahin.
            Bune the jo kavi
            mere khatir
            tumhare shabdon ne
            wo wade kasme
            khamosh sa ho gaya hai
            wo aaj kahin.
--"!"--"!"--"!"--"!"--"!"--"!"--"!"--

Intjar

Jane kyun ahsas ye
  mujhpe hai chhai
    jagti rahi sari rat mai
    ek pal vi so nahi pai.
Karwaten badalti rahi
  tumhari wat johti rahi
    nayana thakti rahi
      tumhari rah takti rahi.
Kyun tumhare intjar me
  pal pal mai tarapti rahi
    lamha lamha tere liye
      ankhiyan sisakti rahi.
Itna na satao mujhe ki
  sanse meri ruk jaye
    itna na tarpao mujhe ki
      mera dam hi nikal jaye.
Dil kah raha machal machal
  ab to karib aa jao
    mere pas aakar tum
      mujhme sama jao.
~<>~~<>~~<>~~<>~~<>~~<>~

Tarap

Aankho se ojhal kya hue
  ankhiyan ho chali nam
    kyun chale gaye tum mujhe
        ashkon sang rimjhim sa
          sisakta chhorkar.
          Mujhse juda kya hue
        sanse rukne lagi tum bin
      kyun chale gaye tum mujhe
    jal bin machhli sa
tarapta chhorkar.
Najron se dur kya hue
  khyalon me dhundhne laga man
    kuyn chale gaye tum mujhe
        tapti ret par mrig sa
            bhatakta chhorkar.
            Jan se alag kya hue
          aankhon me katne laga rat din
        kyun chale gaye tum mujhe
      wirhagni me vingi lakri sa
sulagta chhorkar.
-:_:--:_:--:_:--:_:--:_:--:_:--:_:--:_:--:_:--:_:--:_:-

Uljhan

Khud me nahi hun aaj mai
ye kya hua hai mujhe
tanha tanha sa rahta hun
jab se dekha hai tujhe.
      Na hi kat ta hai ab ye din
      kat ti nahi ab to raten
      kal tak to tha bhala sa mai
      aaj ho gai kyun aisi baten
      har pal aati hai kyun
      teri yad mujhe ab
      pal pal satati hai kyun
      teri yad mujhe ab
      khoya khoya sa rahta hun mai
      jab se dekha hai tujhe.
Ik uljhan me par gaya hun
dubidha me mai fans gaya hun
meri uljhan ko suljha do
dubidha ko tum dur bhaga do
apani jhalak dikhalakar mujhe
thora sa sukun dila do
uljha uljha sa rahta hun mai
jab se dekha hai tujhe.
~^~~^~~^~~^~~^~~^~~^~~^~~^~~^~~^~~^~

Sparsh

Sparsh kya hua aapka
     dil me halchal macha gaya
     madhur sparsh aapka
   man me sargam baja gaya
  mulayam sparsh aapka
 komal ahsas jaga gaya
   kshanik sparsh aapka
    naya khwab saja gaya
      aanshik sparsh aapka
        nai chahat badha gaya
          halka sa wo sparsh
           ang ang me sama gaya
             thora sa wo sparsh
             meri ninde ura gaya
            ik lahma sparsh ka
            mere dil ko va gay
           ik hi pal sparsh ka
           man me chha gaya
         kyunkar sparsh aapka
        mujhe diwana bana gaya
       shayad sparsh aapka
       mujhe pyar sikha gaya.
--*--*--*--*--*--*--*--*--*--*--*--*--

Milan

                                                          Fasle hi fasle the

                                                          do sitaro me

                                                          jab khare the do kinare

                                                          ik mor pe rahon me.

                                                                        Najre hui char

                                                                        jab hua ikrar

                                                                        guftgu hone laga

                                                                        isharo hi isharo me.

                                                          Ikrar hua ijhar hua

                                                          dhire dhire pyar hua

                                                          basne lage dono

                                                          ek duje ke nigahon me.

                                                                        Shama hui hasin

                                                                        fija hui rangin

                                                                        dharakne lage do dil

                                                                        ek hi khyalon me.

                                                            Silsila badha mulakat ki

                                                            chahat badhi pyar ki

                                                            rahne lage dono

                                                            ek dusre ke panaho me.

                                                                          Dunia simatne lage

                                                                          fasle mitne lage

                                                                          sama gaye dono

                                                                          ek duje ke bahon me.

                                                            Do aatma ek pran ho gaya

                                                            do jism ek jan ho gaya

                                                            ik afsana ban gaya

                                                            pyar ki kitabon me.   

Taswir

Khwabon me sanjoya tha
jis sunahle taswir ko
usse vi kahin jyada
khubsurat ho tum.
      Khyalon me basaya tha
      jis rupahle taswir ko
      usse vi kahin jyada
      manmohak ho tum.
Sapno me sanwara tha
jis satrangi taswir ko
usse vi kahin jyada
sundar ho tum.
      Kalpana me rachaya tha
      jis kamsin taswir ko
      usse vi kahin jyada
      anupam ho tum.

Tum...

Kal tak koi kadra nahin tha

tumhari chahon ka

aaj har jabab ban gai ho tum

mere har ik sawlon ka.

      Kal tak yad na aati thi tum

      ik pal vi mujhe

      aaj teri yad satati hai

      har ik pal mujhe.

Rach gai ho kyon tum

mere khyalon me

bas gai ho kyon tum

mere khwabon me.

      Sama gai ho kyon tum

      meri nigahon me

      chha gai ho kyon tum

      meri sanso me.

Kya ho gaya hai mujhko ye

kuchh to batlao mujhe

kyon ho gaya hai mujhe ye

kuchh to samjhao mujhe.

      Puchhta hun khud se

      kya yahi pyar hai

      kahta hai dil vi

      han yahi pyar hai.

To fir tum vi

kah do na mujhse

mujhe tumse pyar hai

mujhe vi tumse pyar hai.

अप्सरा..... Apsara.....

Tum pari ho ya apsara
mujhe batlao to jara
kahan se aai ho tum
kuchh samjhao to jara.
      Salona sa rup aisa
      chand vi sharma jaye
      sangmarmari kaya aisi
      murat vi bharma jaye
      tum mohini ho ya malika
      mujhe batlao to jara.
Geshuon me megha samaye
nayano me sagar laharaye
hoth tera saras barsaye
teri surat pe koi mit jaye
tum urwashi ho ya menka
kuchh samjhao to jara.
      Tan se tere chandan mahke
      badan se tere yaowan chhalke
      jab vi tum leti angrai
      man me gunj uthti shahnai
      tum rambha ho ya radhika
      mujhe batlao to jara.
Kirnon me lipti hui
chanda ki chandni lage
suron me simati hui tum
sargam ki ragni lage
tum kamini ho ya chandrika
mujhe samjhao to jara.
       Tum pari ho ya apsara
       mujhe batlao to jara
       kahan se aai ho tum
       kuchh samjhao to jara.
---------------------------------------------------
*-: Thanks a lot for reading this poem(kavita).
I hope so that it's your own feeling when you see
a beautiful girl :-*

Talash

Kahin na kahin hoga koi
koi na koi hoga kahin
dekhte hi jise
sargam baj uthe man me
dekhte hi jise
shahnai gunj uthe tan me
aisa kyun lagta hai mujhe
mujhe uski talash hai
aisa kyun lagta hai mujhe
wo yahin aas pas hai.
      Kahin na kahi hoga koi
      koi na koi hoga kahin
      khwabon me milte hi usse
      mach jati dil me halchal
      parte hi uspe najar
      man jata mera machal
      aisa kyun lagta hai
      wo meri kuchh khas hai
      aisa kyun lagta hai
      qwo yahin aas pas hai.
Kahin na kahin hoga koi
koi na koi hoga kahin
aur intjar hota nahi ab
ab hota nahi aur sabar
koi to de de mujhe
uss hasin ki khabar
koi to kah de mujhe
wo kyun hai itni bekhabar
aisa kyun lagta hai
besabri se mujhe uski talash hai
aisa kyun lagta hai mujhe
wo yahin aas pas hai.

धीरे-धीरे..... Dhire Dhire......

धीरे धीरे इतने

समीप आ गए तुम कि

सागर में समाती

नदियों की तरह

तुममें समाने को

जी चाहता है।

धीरे धीरे इतने

करीब आ गए तुम कि

हवाओं में घुलती

खुशबूओं की तरह

तुममें घुलने को

जी चाहता है।

धीरे धीरे इतने

नजदीक आ गए तुम कि

चाँदनी में खोता

चकोर की तरह

तुममें खोने को

जी चाहता है।

धीरे धीरे इतने

पास आ गए तुम कि

जिस्म में बसती

जान की तरह

तुममें बसने को 

जी चाहता है।

      -- अजीत कुमार

        (V.X.MMIV)

Dhire dhire itne
samip aa gaye tum ki
sagar me samati
nadiyon ki tarah
tumme samane ko
ji chahta hai.
      Dhire dhire itne
      karib aa gaye tum ki
      hawaon me ghulti
      khushbu ki tarah
      tumme ghulne ko
      ji chahta hai.
Dhire dhire itne
najdik aa gaye tum ki
chandni me khota
chakor ki tarah
tumme khone ko
ji chahta hai.
      Dhire dhire itne
      pas aa gaye tum ki
      jism me basti
      jan ki tarah
      tumme basne ko
      ji chahta hai.

Pahla Shabd

Kyun kah gaye wo shabd
ki mai stabdh ho gai.
aankhe mund gai 
meri sanse tham gai. 
  Kyun kah gaye tum aisa
  meri dharkane ruk gai.
  khud me simatne lagi mai
  mai chhuimui ho gai.
Kano me parte hi yah
mere rag rag me ghul gaya.
alfaz kah gaye tum aisa
mera tan badan sihar gaya.
  Kaisa asar tha un shabdon ka
  mai khari ki khari rah gai.
  kya jadu tha unn shabdon me
  mai but bankar rah gai.
Pahle ijhar ka pahla shabd sun
mai bilkul sann rah gai.
pahle pyar ka pahla shabd sun
meri jan hi nikal gai.
  Kya kahun kya na kahun mai
  ik uljhan me fansi rah gai.
  kya kahun kya na kahun mai
  dil ki baten dil me dabi rah gai.

कब आओगे..... Kab Aaoge.....

लम्हा-लम्हा मैं काटती रही

तुम्हारी राह तकती रही

कि तुम कब आओगे

बोलो ना कब आओगे।

   पल-पल मैं गुजारती रही

   तुम्हारी बाट जोहती रही

   कि तुम अब आओगे

   बोलो ना कब आओगे।

हर इक आहट पर चौंकती रही

तुम्हारा इंतजार करती रही

कि तुम अब आओगे

बोलो ना कब आओगे।

   अब तो आँखें भी थकती रही

   तुम्हारी याद रुलाती रही

   कि तुम अब आओगे

   बोलो ना कब आओगे।

सांसे भी अब थमती रही

अंतिम आश बुझती रही

कि तुम अब आओगे

बोलो ना कब आओगे।

            ---अजीत कुमार

        XIV.XII.MMV

******------******-----******

Lahma lahma mai kat ti rahi

tumhari rah takti rahi

ki tum kab aaoge

bolo na kab aaoge.

    Pal pal mai gujarti rahi

    tumhari bat johti rahi

    ki tum kab aaoge

    bolo na kab aaoge.

Har ik aahat par chaunkti rahi

tumhara intjar karti rahi

ki tum kab aaoge

bolo na kab aaoge.

    Ab to aankhe vi thakti rahi

    tumhari yad rulati rahi

    ki tum kab aaoge

    bolo na kab aaoge.

Sanse ab thamti rahi

antim aash vi bujhti rahi

ki tum kab aaoge

bolo na kab aaoge.

Aahista Aahista

Kyun kar gaye aap hame
is kadar diwana
ki aahista aahista
aapke karib aane lage.

Kyun kar diye aap hame
itna majbur
ki aahista aahista
aap hi yad aane lage.
Kyun kar gaye aap hame
itna bechain
ki aahista aahista
meri ninde urne lagi.
Kyun badha di apne prati
wo betartiv chahat
ki aahista aahista
aap apne lagne lage.
Kyun kar diye aap hame
itna bekarar
ki aahista aahista
aapke samip aane lage.