Rachana

Sagar kinare baithkar
kankar uthakar din bhar
shant jal me yun hi
fenkta raha par
rach nahin paya ek bhi
shabd kavita ka.
Aasman ki or chand ko
sar uthakar rat bhar
chandni rat me yun hi
niharta raha par
gadh nahin paya ek bhi
shabd kavita ka.
Suhani wadiyon me kali ko
katar najron se chah bhar
rimjhim barsat me yun hi
takta raha par
likh nahin paya ek bhi
shabd kavita ka.
Man ko mayus kar
murne ko hua ki
anayas hi gujri
samne se mere
ek pramada
stabdh sa khara mai
niharta rah gaya usse
mugdh ho khara mai
dekhta rah gaya usse

tandra tuti to

man nikharne laga
lekhni bicharne lagi
shabd sanwarne lage
rachne lage us kore kagaj par
shabd kavita ka.
 

Wo budhia

Wo budhiya chaurahe ki
ek pratik ho jaise saye ki
gaur warn ko rekhankit karti
chehre ki wo silwaten
Badrang sa hai shwet
bikhri hui uljhi laten.
malin sa hai dono aankhe
gadhe me dhansi
aankhon se hai jhankti
mayusi wo bebasi.
Aashaon ka daman thame
khud hi budbudati
har aane jane wale me 
koi apna dhundti.
Apna chhuta sapna tuta
par jindgi ka sath na chhuta
kal ke uske sunahre din ko
aaj ka beraham waqt ne luta.
Ab to ghariyan gin rahi wo pal pal
ab to jiti jiti mar rahi wo har pal
shunya ko niharti rah takti
aaye jab maut meri 
kab aayega wo pal.

Chuimui

Shabnami bundo me nahakara
subah jki tajgi liye
bagon ki kamsin komal
koyi kali thi wo.
Sangmarmar se gadhi
shwetambar me lipti
Yauwan se madmati
koyi pari thi wo.
Chehre par bikhri thi
julfen is kadar
shikhar ki oot se nikalti
koyi shashi thi wo.
Lajili palken jhukaye
sakuchayi sharmayi
khud me hi simatti
koyi chhuimui thi wo.

*-*-*-*-*-*-*-*-*-*-*-*-*-*-*-*-*

Bhikshuk

Aaj khara hai jholi failaye

kal bhi khara tha le yahi aashayen

kaj bhi rahega shayad kuchh mil jaye

Apni wipda sunata hai

din hal darshata hai

hath samne failata hai

koi kuchh de ya na de

yah duwayen deta jata hai.

Assi jan me aath bhi

nahin hote aise

halat wo wipda par uske

koi kuchh soche.

Apne shav ko dhota rahta

haddi ka dhancha koi gin jata

aag pet me sulagti rahti

karun aankhen sisakti rahti.

Dil me arman nahin jag pati

chahat ichchha sabhi mar jati

parwah nahin hai ham kaun hai

mukh chup hai aankhen maun hai.

-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-

Rimjhim rimjhim

Sawan ke mausam me
rimjhim rimjhim baras raha hai
is baris me bhing jane ko
manwa mera chahak raha hai.
Jab jab kale megh garajta
masum dil mera dharak dharak jata
mukhre par parti jab thandi bunde
tan man mera sihar sihar jata
hawa ka jhonka jab aanchal sarkata
jiya mera machal machal jata.
chhap chhap karta pani me
kadam mera fisal raha hai
masti ke is mausam me
chahat mera bahak raha hai.
Mausam kya badla
yauwan mera bahakne laga
man me lagi yesi lagan
sara badan chahakne laga
kisi ko bahon me bhar lene ko
manwa mera tarap raha hai
kisi me sama jane ko
manwa mera taras raha hai.

Bali umar

Bali umaria bita
bachapan mera chhuta
chadhi jawani
chadh gaya yauwan
khilne laga mera
man ka upwan
Ji karta hai pankh laga ke
jhawa me urr jayun
dil karta hai palbhar me
aasma ko chhu aayun
koi jab sangeet sunaye
tan me sihran si bhar jaye
kaliuyan par jab
bhawra madraye
man me halchal si mach jaye
Din bhar hansi sapne sajaun
rat bhar khyalon me duba rahun
dil karta koi to aa jaye
mujhe apni bahon me bhar jaye
Ji karta hai khyalon me uski
khoyi rahun mai umarbhar
dil karta hai sapno me uski
dubi rahun mai umarbhar.

Soyi hai bekhabar

Jharokhe se jhankti
subah ki pahli kiran
jagane ko aayi hai
tum ho ki bekhabar
gahri nind me soyi hai.
       Chehre par parne wali
       chamkili kirno se
       tere sundar chehre ki chamak
       aur nikhar aayi hai.
             Hawa ki sarsarahat
             kar rahi shararat
             khichkar chadar teri
             kano me kuchh budbudayi hai
             tum ho ki bekhabar
             besudh si soyi hai.
                  Thandi thandi hawa ke
                  mand mand jhoka se
                  tera rom rom sihar aaya hai
                  dhire dhire sakuchate hue
                  tu khud me hi simat aayi hai.
                        Adhkhuli palko me jab
                        tune li angrayi hai
                        mere dil me jaise
                        halchal si mach aayi hai
                        par chadar me pari silwaten
                        kuchh aur hi kahani gadh aayi hai.
                              Tere jagne ke intjar me
                              meri rat kat gayi aankhon me
                              tu pas hai fir bhi
                              mere sath tanhayi hai
                              tum kuchh kaho ya na kaho
                              ab to ye intjar
                              meri jan pe ban aayi hai.
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

Suno na...

Suno na suno na
kuch to suno na
jyada nahi to na sahi
thora hi tum suno na.
Jano na jano na
meri jan tum hano na
dil ki kya halat hai mei
kuchh to tum jano na.
Do na do na
mujhko tum do na
do na do na sahi
ek hi tum do na
Mano na mano na
mera kahna tum mano na
puri na to na sahi
aadhi hi tum mano na.
Suno na suno na
kuch to suno na.

_-_-_-_-_-_-_-_-_-_-_-_-_-_-_-_-_-_-_-_

Bewafayi

Thukra diya mujhko

  isne, isne, usne, usne
    aaj wo dekho khush bahut hai
       khushiyan luti miri jisne.
Tu to chhalke, chhalke
  hardam chhalke
    aaj mai bhi sang tere chhalkun
       na isne mujhe jana
          na usne muhhe jana
             na hi mujhe mera yar pahchana
               fir kaise sang tere chahkun.
Tujhko pi ke bahke,bahke
  har koi bahke
    aaj mai sochun, mai bhi bahkun
       yad na aaye itna bahkun
         kaonye hai, kaon mai hun.
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_

Virah

Nisha ke sisakte hridaya ko
kisne samjha hai
ashruon se larajte chakshuon ko
kjisne dekha hai.
Pravakar ke ekaki sneh me dubi
uski virah vedna ko
kisne parkha hai.
Rah takti , din katti
sham dhalne ki bat johti
palbhar ki samipta ko wyakul
man me aash sanjoye rajni ko
kisne parkha hai.
Rah takti, din katti
sham dhalne ki bat johti
palbhar ki samipta ko vyakul
man me aash kanhoye rajni ko
kisne jana hai.
Kshanik milan tha bhagya me bada
sirf pratah purva wo godhuli bela me
thori hi hasil ho pati use
kirnon ka snehil sparsh
aur badh jate ravi ke kadam
dabi rah jati khamoshi se
uske bayan hardam
dard jao uske preet ko
dinkar bhi nahi pahchana hai.
AAnshik milan aur vrihat tanhayi
kise kahe woh apni pir parayi
atript sneh ki kashak
ashru bankar yamini ki
pratah patton par bikhre
shabnam ki bundon ko
kisne dekha hai.
Anshon me hi mili
nyun hi sahi
atript preet pritam ka
aakhir aprimit sneh sharwari ka
bhaskar ke prati abhi tak
ekaki wo adwitiya prem ko
kisne aanka hai.
*-**-**-**-**-**-**-**-**-**-**-**-**-**-**-**-**-**-**-**-**-**-*

Alsayi hui si....

Apne ankhiyon ko munde
sone ki koshish me
samne wo mere
palkon ko vinchti rahi.
       Pala jhapakte hi
       ho gai wo bekhabar
       nind ki aagosh me aa
       khamoshi ke soti rahi.
Us chand se tukre ko
gore gore mukhre ko
ch hupchhup kar meri najar
barbas niharti rahi.
       Bahar se aati thandi pawan
       jagati man me ek chubhan
       mithe dard se sakuchayi wo
       khud ko bajuon me jakare huye
       apne me simatti rahi.
Adhar par bikharti
hal ki muskuragat
dil me hai uthti
ek hasin aahat
machalti dharkan liye wo
sunahre sapne sanjoti rahi.
       Nind me leti karwaten aur
       dhalakta jab uska aanchal
       us rupsi ki rup lawanyata
       kar deti mujhe ghayal
       dharkakar ekbargi mera dil
       apne khwabon me khoti rahi.
Apne vichlit lahron ko thame
palkon par pyara sa
ek chumban ki aakanksha liye
us apsara ke mukhre ko
ektak meri aankhen
didar karti rahi.
       Garm sanse ki mahak hai pas
       itni samipta ka hai ehsas
       chhuwan ka bhi hai ehsas
       udwelit hoti mere hridaya me
       meri jajbat bharkati rahi.
Unindi me uthkar wo
li halki si jab angrayi
rom rom me thi uski
ajib si khumari chhayi
us madmati yauban ka
darsh dekh meri dharkane
betartib badhti rahi.
       Khuli palak ke samne 
       dikha jab mera chehra
       mila na saki mujhse najar
       chura kar wo apni najar
       khud hi khud me jhenpti rahi.
-_-_-_-_-_-_-_-_-_-_-_-_-_-_-_-_-_-

machalta hai koi....

Chham chham karti teri payal

  dil kar jati mera ghayal
    payal yun chhamka ke na chal
     tarapta hai koi.
Khan khan karti tera kangan
  udwelit kar jati mera man
     kangan yun khanka ke na chal
        tarasta hai koi.
Dhak dhak karti teri dharkan
  vichalit kar jati mera chitwan
     aanchal yun ura ke na chal
        bahakta hai koi.
Khan khan karti teri churi
  sahi nahi ab tujhse duri
    churi yun khanka ke na chal
       machalta hai koi.
*-*-*-*-*-*-*-*-*-*-*-*-*-*-*-*-*-*-*-*-*

Tripti

Kal ka wo khwab
  aaj hakikat ban gaya
    kal jo dur dur sa tha
      aaj karib ho gaya.
        Adhuri thi jo khwaishen
          aaj puri ho gayi
            man ki thi jo aashayen 
              aaj puri ho gai.
                Pal pal tarpi thi 
                   jis pyar ke liye
                     aahista aahista use
                       apne dil me basa liya.
                         Sare riwajon ko tor use
                           apne bahon me sama
                              janam janam ke liye ab to use
                                maine apna bana liya.
*^*^*^*^*^*^*^*^*^*^*^*^*^*^*^*^*^*^*^*^*^*

Abhilasha

Chand ko nihare chakor
taktaki lagaye sari rat
karun mai tera itna didar
na hi din bite na rat.
Bhaunra kare gungun
fulon sang sara din
rah nahin sakta ab mai
ik bhi pal tere bin.
Parwana jale shamo sham
shamma ki chahon me
mai bhi dolun sang tumhare
tumhari hi bahon me.

_-_-_-_-_-_-_-_-_-_-_-_-_-_-_-_-_-_-_-_-_-_-_-_-_

Shilpi kaya

                      Ajanta ki hai murat koi
                    apsara si hai surat tumahri
                 karine se tarashi gayi
             sangmaramari hai 
         shilpi kaya tumhari.
      Damak raha tera mukhmandal
  chandrama ki aabha se
 bikhar rahi teri julfe
kali reshmi rashmi se
 koi kya kahe rup ki
  anupam hai 
    khubsurati tumhari.
      Palkon ke pichhe se jhank rahi
         tere nayna hai do chamkile sitare
             suraj ki lalima chura li hai
                 ye komal surkh hoth tumhare
                  teri tulna kya ho urwashi se
                   akalpniya hai 
                   sundarta tumhari.
                  Solahwen sawan ki alhar wali
                 wo lawanyata hai tere ang ang me
               sanbhale nahi sanbhalne wali
             wo madakta hai tere yauwan me
           chakti hai bahakti hai
         machalti hai 
        ye chanchalta tumhari
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

Dil mera....

                                   Sidha sadha sa
                             tha ye dil mera
                         achanak ho gaya hai
                      kyun ye chanchal.
                  Jab se dekha hai tujhe
                 khoya khoya se rahta hai
               dil ye mera
                kyun har pal.
                 Yad aati ho jab bhi tum
                    mujhe satati ho jab bhi tum
                       mach jati hai dil me
                           kyun halchal.
                              Tumhare samne aate hi
                                  tumse bigah milte hi
                                        dil jata hai mera
                                              kyun machal.

             _-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_

बेखबर..... Bekhabar.....

किसी का दिन बीते रातों में

   तुझे खबर तक नहीं

      किसी की रात कटे आँखों में

         तुझे खबर तक नहीं

             तु खोयी है बेखबर

                ख़्वाबों से लिपटकर

                   तू सोयी है बेखबर

                      खुद में सिमटकर

                          कोई तन्हा रहा चाह में

                              तुझे ख़बर तक नहीं

                                  कोई लम्हा गिने इंतजार में

                                       तुझे खबर तक नहीं।

                          

                 

Kisi ka din bite raton me
   tujhe khabar tak nahin
      Kisi ki rat kate aankhon me
         tujhe khabar tak nahin
            Tu khoyi hai bekhabar
               khwabon se lipatkar
                  Tu soi hai bekhabar
                     khud me simatkar.
                       Koi tanha rahe chah me
                          tujhe khabar tak nahin
                            Koi lamha gine intjar me
                              tujhe khabar tak nahin.
*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*

कोई तन्हा

Uday

Pao fatne ko hai
  nisha chhutne ko hai
    aankho me ashru dhari hai
      charo aur nami pari hai.
Chand bhi kuchh dur khara hai
  bichhurne ka gam jara hai
    sitaron ki shakh giri hai
      chhutte hi bhag pari hai.
Kanchan kirne bikhar rahi hai
  pakshi bhi sur saja rahi hai
    aalam hai kuchh is kadar chhaya
      jaise koi jadugari hai.
Dhire dhire shikhar ki ott se
  muskurata ravi nikal raha hai
    chal raha wo aisi san se
       jaise koi samrat aa raha hai.
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

Khatm hota khwab...

Dur se jab tu dikhi to
aankhon me kitne
khwab saj gaye.
Tu jo itne pas hui to
man ke sare
arman machal gaye.
Tu jo dur hui to
yadon ke karwan
nilak pare.
Intjar karte jab
tu na aayi to
dil ke sare
sapne bikhar gaye.
*-*-*-*-*-*-*-*-*-*-*-*-*-*-*-*-*-*

Bikharte arman

Anant ko chhuti
khwabon ka wo karwan
aagaj ke pahle gi
ek tufan baha le gaya.
              Kan kan jorkar banaya gaya
              armano ka wo aashiyana
              ek hi jhokhe me hi
              gart me sama gaya.
Sadiyon se buna gaya
abhilashaon ka wo attalika
pawan ke thapere se yah
chaknachur ho gaya.
              Aasma me vicharte
              khyalon ka wo parinda
              manjil pahunchane se pahle hi
              thak kar chur ho gaya.

Ant

Aadi ka aagaj hi hua tha ki
ant ki lakiren ubhar aayi.
Shuru ki shurut hi hui thi ki
khatm ki parchhayi ubhar aayi.
Safar ka silsila chal hi para tha ki
samapan ki jhalken ubhar aayi.
Sath ke do kadam hi badhe the ki
do raste murne ki baten ubhar aayi.
Milan ke jajbat ubhare hi the ki
bichhurne ki manodasha ubhar aayi.